Behind the RAIN...Is that you?

Lunes. Holiday. Walang pasok...sila na ang walang pasok dahil ako, meron.

Maulan pa rin. Malakas pa rin ang ulan. Madilim pa rin ang paligid. Iba pa rin ang pakiramdam ko.

Bigla kang nag-text kinahapunan at ano nga ba mararamdaman ko? Malamig sa office, malamig din ang panahon pero biglang nag-init pisngi ko at namula kahit pa isang word lang naman message mo at isang smiley.

Napatayo ako't napatingin na naman sa bintana...ikaw na ba talaga yun?

Di ko pa rin alam.

Behind the RAIN

Linggo. Oo Linggo nga pala ngayon.

Lakas ng ulan, iba na naman ang nararamdaman ko. Ganito talaga ako sa tuwing umuulan, may kung anong bigla na lang naaalala at nararamdaman na hindi ko alam. Iniisip ko kung ano nga ba iyon, pero di ko malaman. Bigla na lang ako napapahinto, natutulala, pinapakinggan ang patak ng malakas na buhos ng ulan na para bang isang musikang animo'y pampatulog.

Tumingin ako sa bintana, naisip kita. Ano kaya ang ginagawa mo ngayon? Nasa labas ka kaya? Baka nauulanan ka na? Di ko alam ba't ikaw ang naaalala ko? Bakit nga ba IKAW? IKAW na kaya ang sagot sa katanungan ko kung bakit iba ang nararamdaman ko sa tuwing umuulan?

Ewan.