Kupal

Para kay Labanos.

 

Kulang ang lahat ng pagsisikap ng isang tao sa lahat ng aspeto para sa mga taong hindi karapatdapat makatanggap nito. Ang saklap lang na napunta tayo sa mundong may mga taong gustong magpaikot ng kapwa nila sa kanilang mga palad. Mas masaklap dahil ang kamalian ng iba ang kanilang hinahanap at idinidiin nang hindi muna tumitingin sa salamin para tingnan ang mas madumi nilang repleksyon. Ngunit sino ba naman ako para maghusga sa katunayang isa rin akong hindi perpektong tao? Alam ko ring isa akong biktima at salarin na rin ng makamundong pag-uugali.

Gayunpaman, Labanos, patuloy kang sumibol at patunayan sa kanilang mali sila. Kung magkataong manaig ang kawalang hustisya, nandito kami para tumulong at ipagtanggol ka.

Hindi ba't kaya tinawag kang Labanos para ipakita na maiitim nilang budhi kumpara iyong busilak na at malinis na puso katulad ng maputi at malinis na labanos?

(Para sa isang kaibigan at katrabahong pinagkaisahan ng mga bakulaw, na napagod na sigurong ipagtanggol ang sarili dahil una pa lang ay inalisan na ng karapatang pagkatiwalaan. Para sa lahat ng mga "gulay" kong kaibigan na sina Kerrot, Talong, Okra at Patola na patuloy na titindig at ipagtatanggol ang isa't isa hangga't maaari at hangga't nasa tama.)