Terrified.

"I could be all that you needed. If you let me try..."

Basag

Pagod ako ngayong araw. Dalawang shift kasi ang binuno ko. At sa gitna ng kangaragan ko, nag-ring ang aking higanteng telepono.

Tumatawag siya.

Pero hindi ko na nasagot.

Text ako.

"Hi were you calling? I'm about to air (ngarag mode hehe).

Nag-reply siya.

"Sorry, napindot lang accidentally."

I figured. XD

Mabuti na lang 'di ako gaanong natuwa.

At 'di gaanong nagbakasakali na baka tumatawag talaga siya.

Para kumustahin ako o kausapin kahit limang minuto.

Kung hindi, tiyak na basag na naman ang windshield ng ego ko.

O hindi pa ba?

Busy Tone

Nang marinig ko ang busy tone, bigla akong binalot ng nakakabinging katahimikan.

May hangin sa paligid pero hindi ko marinig ang kaluskos ng mga dahon sa Street Unknown.

Parang naka-mute na pelikula.

Mapunan lamang ang kawalan, nagkumahog akong hanapin sa playlist ko ang maingay na kanta ng The Exies para patugtugin sa nakasalpak kong earphones.

Ang musika, base sa aking karanasan, ay mabisang anesthesia.

Maya-maya pa, nag-text ka.

Opening.

"Hey sorry, had to reject your call. May ginagawa kasi ko..."

Reply.

"No worries. That was just a random phone-a-friend for Who Wants to Be a Millionaire. And I lost the game, because you hang up! The question supposedly was, what is the square root of 25? I answered, 5.756378. Tangina, 5 lang pala ang sagot!? :)) Anyway, hope you're cool. :)"

Sent.

Natawa ka.

Natawa rin ako.

At naisip kong may masasaklap na reyalidad na mas okey na idaan na lang sa biro. Dahil sadyang malaking biro lang din naman ang buhay.

Ika nga nila, "Don't take life too seriously, because nobody has come out of it alive anyway."

Pero tuloy lang. Habang may musika.

Testing muna, excited ka!

Minsan kapag sawa ka na sa buhay mong walang pagbabago, aaliwin ka ng mundo.

Alam ng mundo ang kailangan mo, kasi kay tagal mo nang hiniling ito.

Kaya paggising mo, may katabi ka nang pag-ibig.

Handang ibigay ang lahat ng gusto mo, at alagaan ang nangangamba mong puso.

Siyempre, naniwala ka naman. This is it!

Sa takot mong mawala pa s'ya, masyado kang nag-alala.

Teka, ganun ka naman talaga maalalahanin.

Pero yun na nga, napansin mo na lang sa bawat linggong lumilipas humuhupa ang apoy ng pagmamahal na dati'y damang-dama ng buo mong pagkatao.

Hinanap-hanap mo na ito, hanggang sa ang pinakilala sa'yo ng mundo ay unti-unti na palang lumalayo sa'yo... hanggang sa wala na. Gone too soon, kumbaga.

Akala mo, yun na talaga. Yun pala sabi ng mundo sayo, "testing muna, excited ka!"